صدر مملکت کی مستونگ دھماکے کی مذمت

اسلام آباد، 15اپریل (پی پی آئی)صدر مملکت آصف علی زرداری نے مستونگ میں بلوچستان کانسٹبلری کی گاڑی کے قریب ہونے والے دھماکے کی مذمت کی ہے۔ انہوں نے واقعے میں تین اہلکاروں کی شہادت پر گہرے دکھ اور افسوس کا اظہار کیا۔ایوان صدر کے پریس ونگ کی جانب سے جاری بیان کے مطابق، صدر زرداری نے ملکی سلامتی کے لیے جان کا نذرانہ پیش کرنے والے بلوچستان کانسٹبلری کے اہلکاروں کو خراج عقیدت پیش کیا۔ انہوں نے اس بات کا اعادہ کیا کہ ملک سے دہشتگردی کے مکمل خاتمے کے لیے کوششیں جاری رہیں گی۔صدر نے شہداء کے درجات کی بلندی اور لواحقین کے لیے صبر جمیل کی دعا کی۔ انہوں نے دھماکے میں زخمی ہونے والوں کی جلد صحت یابی کی بھی دعا کی۔