اسلام آباد، 13مئی (پی پی آئی) صدر آزاد جموں و کشمیر بیرسٹر سلطان محمود چوہدری اور سابق صدر سردار محمد یعقوب خان کی ملاقات میں پاک فوج کی بہادری پر اطمینان کا اظہار کیا گیا۔ دونوں رہنماؤں نے کہا کہ پاک فوج نے بہادری سے بھارت کو جواب دیا، جس سے بھارت کو شکست ہوئی۔اسلام آباد میں ایوان صدر کشمیر ہاؤس میں ہونے والی ملاقات کے دوران صدر محمود اور سابق صدر یعقوب نے جنرل سید عاصم منیر کی قیادت میں پاک فوج کی کامیابی کو سراہا۔ دونوں رہنماؤں نے کہا کہ پوری قوم پاک فوج کی بہادری پر مبارکباد پیش کرتی ہے۔ملاقات میں امریکی صدر ڈونلڈ ٹرمپ کی طرف سے مسئلہ کشمیر کے حل کے بیان کا خیر مقدم کیا گیا۔ صدر محمود اور سابق صدر یعقوب نے کہا کہ وہ مقبوضہ کشمیر کے عوام کے ساتھ ہیں اور آزادی تک جدوجہد جاری رہے گی۔دونوں رہنماؤں نے آزاد کشمیر کی تازہ سیاسی صورتحال اور باہمی دلچسپی کے دیگر امور پر بھی تبادلہ خیال کیا۔
Next Post
حوالہ ہنڈی اور غیر قانونی کرنسی ایکسچینج میں ملوث ملزمان گرفتار
Tue May 13 , 2025
کراچی، 13مئی (پی پی آئی) وفاقی تحقیقاتی ادارے (ایف آئی اے) کی جانب سے کراچی میں حوالہ ہنڈی اور غیر قانونی کرنسی ایکسچینج میں ملوث ملزمان کے خلاف چھاپے مارے گئے، جس میں دو ملزمان کو گرفتار کر لیا گیا۔ترجمان کے مطابق، ایف آئی اے کے اینٹی کرپشن سرکل اور […]