روہڑی کے لینس ڈاؤن برج پر سکھر ایکسپریس2حصوں میں منقسم، بڑے حادثے سے محفوظ

سکھر، 14 مئی (پی پی آئی) روہڑی کے لینس ڈاؤن برج پر سکھر ایکسپریس بڑے حادثے سے محفوظ رہی۔ تفصیلات کے مطابق بدھ کے روز کراچی سے سکھر جانے والی سکھر ایکسپریس ٹرین جب لینس ڈاؤن برج روہڑی پر پہنچی تو اچانک دو حصوں میں تقسیم ہو گئی۔ مسافروں کا کہنا ہے کہ ٹرین کی بوگیوں کو جوڑنے والی زنجیر کے ٹوٹ جانے سے ٹرین کو شدید جھٹکا لگا۔ اس جھٹکے سے ٹرین خطرناک حادثے کا شکار ہو سکتی تھی۔ ریلوے انتظامیہ نے بتایا کہ کسی قسم کا نقصان نہیں ہوا اور زنجیر کو دوبارہ جوڑ کر ٹرین کو روانہ کر دیا گیا۔ مزید تحقیقات جاری ہے۔