مسلح افواج، چیئرمین جوائنٹ چیفس آف اسٹاف کمیٹی، سروسز چیفس کی قوم کو یوم تکبیر پر مبارکباد

 اسلام آباد، 28 مئی (پی پی آئی) پاکستان کی مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے بدھ کے روز قوم کو یوم تکبیر کی 27ویں سالگرہ پر دل کی گہرائیوں سے مبارکباد پیش کی۔آئی ایس پی آر کے بیان کے مطابق، یوم تکبیر 1998 کے اس یادگار موقع کی یاد دلاتا ہے جب پاکستان نے ایٹمی طاقت بن کر جنوبی ایشیا میں تزویراتی توازن بحال کیا اور اپنے دفاع کے حقِ خود مختاری کو منوایا۔بیان میں کہا گیا کہ یہ تاریخی کارنامہ قوم کے عزم، اتحاد اور باوقار اور پْرامن وجود کے لیے غیر متزلزل جدوجہد کی علامت ہے۔