تلہار، 26 اکتوبر 2025 (پی پی آئی)تلہار میں اتوار کے روز نویں جماعت کا 17 سالہ طالب علم
عبدالمعیز کھتری ولد محمد موسیٰ کھتری ڈینگی بخار کے باعث چل بسا ۔ عبدالمعیز کے اہل خانہ شہر کے وارڈ نمبر 04 میں رہائش پذیر ہیں۔
ان کے مطابق، نوجوان کو چند روز قبل تیز بخار ہوا، جس کے بعد طبی معائنے میں ڈینگی وائرس کی تصدیق ہوئی۔
تشخیص کے بعد، اسے مزید طبی امداد کے لیے کراچی منتقل کیا گیا جہاں ڈاکٹروں کی کوششوں کے باوجود وہ دورانِ علاج دم توڑ گیا۔
نوجوان کو لطف علی قبرستان میں سپردِ خاک کر دیا گیا۔ اس کی نمازِ جنازہ میں سینکڑوں مقامی باشندوں نے شرکت کی اور سوگوار خاندان سے تعزیت کا اظہار کیا۔