لاہور، 15 فروری 2026 (پی پی آئی)لاہور پنجاب پولیس کی بڑی کامیابی، کچہ کریمینلز کے خطرناک بوسن گینگ کے آخری 11 ڈاکووُں نے اتوار کے روز خود کو مظفر گڑھ پولیس کے سامنے سرنڈر کر دیا۔
وزیر اعلی پنجاب مریم نواز کے محفوظ پنجاب ویژن کی تکمیل کیلئے کچہ کریمینلز کے خلاف پنجاب پولیس کی مسلسل کامیاب کاروائیوں کے نتیجہ میں خطرناک بوسن گینگ کے آخری 11 ڈاکووُں نے بھی سرنڈ کر دیا ہے۔ سرنڈر کرنے والے ڈاکو اغواء برائے تاوان، قتل، اقدام قتل، ڈکیتی، رابری، پولیس مقابلے اور دیگر سنگین جرائم کی متعدد وارداتوں میں ملوث رہے۔ پنجاب پولیس کی مسلسل، مربوط اور پیشہ ورانہ حکمت عملی، کچہ ایریا میں قائم خصوصی چوکیوں، جدید ٹیکنالوجی کے استعمال اور انٹیلیجنس اداروں کے مؤثر تعاون کے نتیجے میں اب تک 200 سے زائد کچہ کریمینلز پولیس کے سامنے سرنڈر کر چکے ہیں۔
آج کے بعد کچہ کے علاقہ میں روڈز، سکولز اور کاروباری رونقیں بحال ہوں گی۔ سید غضنفر علی ڈی پی او مظفر گڑھ
آجی پنجاب عبدالکریم کی مظفر گڑھ پولیس کو اس کامیاب کاروائی پر شاباش دی