قومی - Page 2

حریت کانفرنس کی 13 جولائی  بطور”یوم شہدائے کشمیر“ منانے، ہڑتال کی اپیل

سری نگر/مقبوضہ کشمیر(پی پی آئی)مقبوضہ جموں و کشمیر میں کل جماعتی حریت کانفرنس نے کشمیری عوام سے اپیل کی ہے کہ وہ 13 جولائی  کو”یوم شہدائے کشمیر“کے طور پر منائیں اور اس دن میں مکمل ہڑتال کریں۔پی پی آئی کے مطابق  کل جماعتی حریت کانفرنس کے غیرقانونی طور پر نظر بند چیئرمین مسرت عالم بٹ اور اسیر رہنماوں شبیر احمد شاہ اور نعیم احمد خان نے نئی دلی کی تہاڑ جیل سے جاری ایک مشترکہ پیغا م  میں ہڑتال کی کال دیتے ہوئے کہا کہ اسکا مقصد تنازعہ کشمیر کے پر امن او رمنصفانہ حل کی ضرورت پر زور دینا ہے۔ انہوں نے لوگوں سے اس روز سرینگر کے نقشبند صاحب میں واقع شہداء قبرستان کی طرف مارچ اور وہاں مدفون 13جولائی 1931کے شہداء کیلئے اجتماع دعا کرنے کی بھی اپیل کی۔ انہوں نے کہا کہ کشمیری عوام 13 جولائی کے شہدائسمیت ان تمام شہدائکی قربانیوں کو کبھی فراموش نہیں کریں گے جنہوں نے آزادی کی خاطر اپنی جانوں کا نذرانہ پیش کیا۔ مسرت عالم بٹ اور دیگر نے کہا کہ کشمیری عوام ایک عظیم مقصد کے لیے قربانیاں دے رہے ہیں اور وہ دن دور نہیں جب وہ غیر قانونی بھارتی آزادی حاصل کر لیں گے۔