راولپنڈی(پی پی آئی)ڈیوٹی مجسٹریٹ نے اثاثہ جات کیس میں گرفتار سابق وزیراعلیٰ پنجاب چودھری پرویز الٰہی کے راہداری ریمانڈ پر محفوظ فیصلہ سنا دیا۔ نیب لاہور کی ٹیم کی جانب سے چودھری پرویز الٰہی کو جوڈیشل کمپلیکس راولپنڈی میں پیش کیا گیا تھا،چودھری پرویز الٰہی کو ڈیو ٹی مجسٹریٹ خالد حیات کی عدالت میں پیش کیا گیاتھا،نیب نے عدالت سے چودھری پرویز الٰہی کے راہداری ریمانڈ کی استدعا کی تھی،ڈیوٹی مجسٹریٹ خالد حیات نے محفوظ فیصلہ سناتے ہوئے چودھری پرویز الٰہی کا ایک روزہ راہداری ریمانڈ منظور کرلیا،عدالت نے چودھری پرویز الٰہی کو کل متعلقہ عدالت میں پیش کرنے کا حکم دیدیا،نیب ٹیم پرویز الٰہی کو لیکر لاہور کیلئے روانہ ہو گئی۔پی پی آئی کے مطابق قومی احتساب بیورو(نیب)کی جانب سے سے چودھری پرویز الٰہی پر 23ارب کے ٹھیکوں میں کرپشن کا الزام عائد کیا گیا ہے،گرفتاری سیکرٹری سہیل اصغر اعوان اور دیگر 2افسروں کے شواہد پر عمل میں لائی گئی ہے۔
ابوغریب کے قیدیوں کو زرِ تلافی کی ادائیگی
’ہلاکتیں ناقابلِ قبول مگر حالات بگڑنے نہیں دے سکتے‘
تازہ ترین خبریں
- April 25, 2026
- April 22, 2026
اشتہار
تازہ ترین
پرویز الٰہی رہائی کے فورا بعد اڈیالہ جیل کے باہر سے دوبارہ گرفتار، لاہور منتقل
راولپنڈی (پی پی آئی)سابق وزیراعلی پنجاب چودھری پرویز الہی کو سینٹرل جیل اڈیالہ راولپنڈی سے رہا ہوتے ہی نیب کی ٹیم نے دوبارہ گرفتار کرلیا۔پی پی آئی کے مطابق سابق وزیر اعلی پنجاب پرویز الہی کو اڈیالہ جیل راولپنڈی کی انتظامیہ نے نظر بندی کی مدت ختم ہونے پر رہا کردیا تاہم چوہدری پرویز الہی جیسے ہی اڈیالہ جیل کے مرکزی گیٹ سے باہر نکلے تو وہاں پہلے سے موجود نیب راولپنڈی و لاہور کی ٹیم موجود تھی جو چوہدری پرویز کو وہیں سے دوبارہ گرفتار کرکے لے گئی۔نیب ٹیم نے پرویز الہی کو جوڈیشل کمپلیکس راولپنڈی میں ڈیوٹی جج کی عدالت میں پیش کر کے راہداری ریمانڈ کی درخواست کی۔ڈیوٹی سول جج نے پرویز الٰہی کو ایک دن کے راہ داری ریمانڈ پر نیب لاہور کے حوالے کر دیا، جس کے بعد ٹیم لاہور روانہ ہوگئی۔پی پی آئی کے مطابق ڈیوٹی جج نے راہ داری ریمانڈ میں حکم دیا کہ ملزم پرویز الٰہی کو کل منگل کو نیب لاہور کی مجاز عدالت پیش کیا جائیگا
100اور 1500روپے والے انعامی بانڈز کی قرعہ اندازی آج ہوگی
کراچی (پی پی آئی)سینٹرل ڈائریکٹوریٹ آف نیشنل سیونگز حکومتِ پاکستان کی زیرِ اہتمام 100اور 1500روپے والے انعامی بانڈز کی قرعہ اندازی منگل15اگست کوپشاور اور کراچی میں منعقد ہوگی،پی پی آئی کے مطابق 100روپے والے قومی انعامی بانڈ کا پہلا انعام 7لاکھ روپے‘ دوسرا انعام 2لاکھ روپے کے تین انعامات جبکہ 1000روپے کے 1199انعامات تقسیم کئے جائینگے۔اسی طرح 1500روپے والے قومی انعامی بانڈز کا پہلا انعام 30لاکھ‘ دوسرا انعام 10لاکھ روپے کے تین انعامات اور 18500روپے کے 1696 انعامات خوش نصیبوں میں تقسیم کئے جائینگے۔
شکاگو میں دنیا کا سب سے بڑا بین المذاہب اجتماع شروع
شکاگو (پی پی آئی) ’ضمیر کی پکار: آزادی اور انسانی حقوق کا دفاع‘ کے موضوع پر شکاگو میں دنیا کا سب سے بڑا چار روزہ بین المذاہب اجتماع شروع ہو گیا۔پی پی آئی کے مطابق ایونٹ کا مقصد ایک منصفانہ، پرامن اور پائیدار دنیا کے حصول کے مقصد کے ساتھ دنیا کو درپیش انتہائی اہم بحرانوں کے بارے میں بات چیت اور ان کا حل تجویز کرنا ہے۔ اجتماع میں پاکستان سمیت 80 سے زائد ممالک کے کم و بیش 10 ہزار مندوب شریک ہیں۔ امریکن مسلم اور ملٹی فیتھ ویمن ایمپاورمنٹ کونسل کی صدر انیلا علی نے مسلم خواتین اور پاکستان کی نمائندگی کرتےہوئے بے پناہ فخر کا اظہار کیا۔۔
تلاش کریں
خبریں
ابوغریب کے قیدیوں کو زرِ تلافی کی ادائیگی
عراق کی ابو غریب جیل میں قیدیوں پر تشدد کے الزامات کا سامنا کرنے والی ایک نجی امریکی دفاعی کمپنی نے سابق قیدیوں کو زرِ تلافی کے طور پر پچاس لاکھ ڈالر ادا کیے ہیں۔ اس دفاعی کنٹریکٹر کی ذیلی کمپنی پر ابو غریب جیل میں قیدیوں پر تشدد کرنے کے الزامات ہیں۔ امریکی خبر رساں ادارے اے پی کو حاصل ہونے والی قانونی دستاویزات کے مطابق امریکی کمپنی اینجیلٹی ہولڈنگز نے ابو غریب جیل اور امریکہ کے زیر انتظام چلنے والے دیگر جیلوں کے اکہتر سابق قیدیوں کو ایل تھری نامی کمپنی کی جانب سے یہ معاوضہ ادا کیا۔ ایل تھری کمپنی نے عراق میں جنگ کے بعد امریکی فوج کے لیے مترجم کے طور پر کام کیا تھا۔ سال دو ہزار چار میں بغداد کی ابو غریب جیل میں قیدیوں پر تشدد کی تصاویر منظر عام آنے پر بین الاقوامی سطح پر سخت غم و غصے کا اظہار کیا گیا تھا۔ ایک اور نجی کمپنی سی اے سی آئی کو بھی متوقع طور پر اسی قسم کے الزامات پر عدالتی کارروائی کا سامنا کرنا پڑے گا۔ اس کمپنی نے امریکی فوج کو تفتیش کار مہیا کیے تھے۔ امریکی حکومت جنگ کے دنوں میں فوج کی کارروائی کی وجہ سے قانونی چارہ جوئی سے محفوظ ہے تاہم عدالتیں اب بھی اس بات کا جائزہ لے رہی ہیں کہ آیا نجی کمپنیوں کو بھی جنگ زدہ علاقوں میں اسی قسم کی استثنیٰ حاصل ہے۔ اینجیلٹی ہولڈنگز کی جانب سے زر تلافی ادا کرنا عراق جیل کے سابق قیدیوں کی جانب سے دفاعی ٹھیکیداروں کے خلاف دائر کردہ مقدمات میں پہلی کامیابی ہے۔ ایک سابق قیدی کے وکیل بہار اعظمی نے خبر رساں ایجنسی اے پی کو بتایا کہ تمام اکہتر قیدیوں کو معاوضہ ملے گا تاہم انہوں نے یہ نہیں بتایا کہ معاوضے کی رقم تقسیم کیسے کی جائے گی۔ انہوں نے بتایا کہ تصفیے کے معاہدے کے تحت معاملات کو خفیہ رکھا جائے گا۔ بہار اعظمی کے مطابق نجی کنٹریکٹرز ابو غریب جیل میں بدسلوکی کے سنگین واقعات میں ملوث تھے اور اب ہمیں خوشی ہوئی ہے کہ تصفیے کے وجہ سے ان میں سے کچھ کنٹریکٹرز کا احتساب ہوا اور متاثرین کو کچھ انصاف ملا۔
’ہلاکتیں ناقابلِ قبول مگر حالات بگڑنے نہیں دے سکتے‘
بھارت کے وزیرِ خارجہ سلمان خورشید کا کہنا ہے لائن آف کنٹرول کے قریب پاکستانی فوج کی مبینہ کارروائی میں دو بھارتی فوجیوں کی ہلاکت کا واقعہ ناقابلِ قبول ہے تاہم حالات کو مزید خراب ہونے دیا جا سکتا۔ اس سے قبل بھارتی حکام کی جانب سے کو اشتعال انگیز قرار دیتے ہوئے کہا گیا تھا کہ اس کارروائی کا ’متناسب‘ جواب دیا جائےگا جبکہ پاکستان کے عسکری حکام نے فائرنگ اور بھارتی فوجی کی ہلاکت کے الزامات مسترد کرتے ہوئے اسے بھارتی پروپیگنڈا قرار دیا ہے۔ بھارتی حکومت نے بدھ کو نئی دلی میں پاکستان کے ہائی کمشنر کو طلب کر کے اپنے دو فوجیوں کے مارے جانے کے واقعے پر احتجاج کیا ہے۔ بھارتی وزارت خارجہ کے ترجمان کے مطابق اس ملاقات میں خارجہ سیکرٹری رنجن متھائي نے ہائی کمشنر سلمان بشیر سے کہا ہے کہ بھارت اس طرح کے واقعات قطعاً برداشت نہیں کرے گا اور پاکستان کو کنٹرول لائن کا احترام کرنا ہوگا۔ ہمارے نامہ نگار کے مطابق بدھ کو پریس کانفرنس میں وزیرِ خارجہ نے کہا کہ ’اس واقعے کو مزید بڑھنے نہیں دیا جائے گا۔ ہماری جانب سے پاکستانی ہائی کمیشن کو گہری تشویش سے آگاہ کروا دیا گیا ہے۔ ہم ان کے رد عمل کا انتظار کریں گے لیکن یہ واقعہ ناقابل قبول ہے۔‘ انہوں نے اس سے قبل ایک مقامی ٹی وی سے بات کرتے ہوئے بھی کہا تھا کہ یہ ایک انتہائی حساس معاملہ ہے اور ’ہمیں تمام حقائق کو ذہن میں رکھنا ہوگا۔یہ کارروائی قیام امن کو پٹری سے اتارنے کی کوشش معلوم ہوتی ہے۔۔۔اور ہمیں ایسا راستہ تلاش کرنا ہوگا کہ مذاکرات کا عمل تباہ نہ ہو جائے۔‘ بھارتی وزیرِ دفاع اے کے انٹونی نے اس سلسلے میں بیان دیتے ہوئے کہا ہے کہ ’پاکستانی فوج کی کارروائی انتہائی اشتعال انگیز ہے۔ انہوں نے بھارتی فوجیوں کی لاشوں سے جو سلوک کیا ہے وہ غیر انسانی ہے۔ہم حالات پر نظر رکھے ہوئے ہیں اور اس معاملے پر پاکستانی حکومت سے بات کریں گے۔‘