وزیراعظم شہباز شریف اور آصف زرداری کی ملاقات جلد متوقع ن لیگ اور پی پی کی پنجاب اسمبلی تحلیل ہونے سے بچانے کی کوششیں تیز

اسلام آ باد(پی پی آ ئی) وزیراعظم شہباز شریف اور پاکستان پیپلز پارٹی کے شریک چیئرمین اور سابق صدر آصف زرداری کی پنجاب اسمبلی تحلیل ہونے سے بچانے کے لئے ملاقات جلد متوقع ہے۔ذرائع کے مطابق پاکستان مسلم لیگ ن اور پیپلز پارٹی کی پنجاب اسمبلی تحلیل ہونے سے بچانے کے لئے کوششیں تیز ہوگئی ہیں۔اس حوالے سے ذرائع کی جانب سے بتایا گیا کہ دو بڑوں کی ملاقات میں پنجاب کی سیاست زیر بحث آئے گی، دونوں رہنما عمران خان کی حکمت عملی ناکام بنانے کے لئے مختلف آپشنز پر غور کرینگے۔ذرائع کے مطابق ملاقات میں پنجاب میں گورنر راج اور وزیر اعلیٰ کے خلاف تحریک عدم اعتماد پر بھی گفتگو ہو گی۔