لنڈے کا کاروبار کرنیوالوں کے مختلف علاقوں اور سڑکوں پر ڈیرے برنس روڈ،لائٹ ہاؤس، کھارادر،صدر سمیت مختلف سڑکوں پر ٹریفک جام دن چڑھے سے رات گئے تک کاروبار عروج پر،اس برس نرخ نسبتا زیادہ

کراچی (پی پی آئی) ہلکی سردی کی آمد کے ساتھ ہی کراچی میں بھی لنڈے کا کاروبار عروج پر پہنچ گیا۔ استعمال شدہ گرم کپڑوں اور جوتوں کا کاروبار کرنے والوں نے شہر کے مختلف علاقوں میں سڑکوں پر ڈیرے جما لئے ہیں۔پی پی آئی کے مطابق ان ریڑھیوں کی وجہ سے جگہ جگہ ٹریفک جام ہونا شروع ہو گئی ہے۔ برنس روڈ،لائٹ ہاؤس، کھارادر،صدر سمیت مختلف مقامات پر سڑکوں کے اطراف قطاروں میں لنڈے کے کپڑوں کی ریڑھیاں لگا لی گئی ہیں۔ جو دن چڑھے سے رات گئے تک کھڑی رہتی ہیں اس برس نرخ نسبتا زیادہ ہیں۔جس کی وجہ سے ٹریفک شدید متاثر ہو رہی ہے۔