لاہور(پی پی آئی)پاکستان تحریک انصاف نے حکومت پر دباؤ بڑھانے کا فیصلہ کرتے ہوئے عام انتخابات کے لیے تیاریوں کا آغاز کردیا ہے۔ذمہ دار ذرائع کے مطابق چیئرمین پی ٹی آئی عمران خان کی ہدایت پر صوبہ پنجاب میں قومی و صوبائی اسمبلیوں کی ٹکٹوں کی تقسیم کے لیے پارلیمانی بورڈ کی تشکیل پر کام شروع کردیا گیا ہے، ٹکٹوں کی تقسیم کے حوالے سے تین بورڈز تشکیل دیے جائیں گے۔پی پی آئی کے مطابق پنجاب میں ٹکٹوں کی تقسیم کے لیے تشکیل دیے جانے والے تینوں بورڈز کیا اجلاسوں کی صدارت سابق وزیراعظم عمران خان خود کریں گے جب کہ مخدوم شاہ محمود قریشی، اسد عمر اور تینوں ریجنز کے صدور و جنرل سیکریٹریز بورڈز میں شامل ہوں گے۔ذرائع کے مطابق تشکیل دیے جانے والے بورڈز کے اجلاس آئندہ ہفتے عمران خان کی قیادت میں زمان پارک میں مرحلہ وار ہوں گے۔اس حوالے سے ذمہ دار ذرائع کا کہنا ہے کہ پی ٹی آئی عام انتخابات کے لیے ٹکٹوں کی تقسیم سے پہلے2018 میں کامیاب اراکین قومی وصوبائی اسمبلیوں کے اثاثے چیک کرے گی، اسمبلیوں سے باہر موجود پارٹی کے سینئر رہنماؤں کو بھی ٹکٹیں جاری کی جائیں گی۔ذرائع کے مطابق کے مطابق تمام ٹکٹوں کی تقسیم کے فیصلے پارٹی چیئرمین عمران خان خود کریں گے۔
Next Post
عمران کو پرویز الٰہی اسمبلی مدت پوری کرنیکا مشورہ دیں گے، ملاقات آج متوقع
Wed Nov 30 , 2022
لاہور(پی پی آئی)پاکستان تحریک انصاف کے چیئرمین عمران خان سے ملاقات میں وزیراعلیٰ پنجاب چودھری پرویز الٰہی اسمبلی کی مدت پوری کرنے کا مشورہ دیں گے۔پی پی آئی کے مطابق ق لیگ کے مرکزی رہنما اور وزیراعلیٰ پنجاب چودھری پرویز الٰہی اسمبلی تحلیل کرنے کے فیصلے کے خلاف ہیں۔ وہ […]