عمران خان کا خیبر پختونخوا جانے کا پروگرام منسوخ

پشاور/ لاہور(پی پی آئی)تحریک انصاف عمران خان کے چیئرمین نے استعفوں کے معاملے پر کے پی اسمبلی کے اراکین کو راضی کرنے کیلئے پشاور جانا تھا تاہم اب انہوں نے اپنا دورہ منسوخ کردیا ہے۔پی پی آئی کے مطابق عمران خان نے وہاں سندھ اور کے پی اسمبلی کے پارٹی اراکین سے ملاقاتیں کرنی تھی، اور استعفوں کے معاملے پر خیبرپختون خوا اسمبلی کے اراکین کو راضی کرنے کیلئے پشاور بھی جانا تھا۔ترجمان پنجاب حکومت نے بیان جاری کیا ہے کہ عمران خان کا خیبر پختونخوا جانے کا پروگرام منسوخ کردیا گیا ہے، کیوں کہ خراب موسم کے باعث فضائی سفر ممکن نہیں۔ذرائع کا کہنا تھا کہ چیئرمین عمران خان نے آج خیبرپختون خوا کی پارلیمانی پارٹی کا اجلاس بھی طلب کر رکھا تھا، جس کی صدارت انہوں نے خود کرنی تھی۔