معیشت بدستور بدحال اور دیوالیہ ہونے کا خطرہ بڑھ گیا تو پھر مفتاح کو بلی چڑھا کر صرف وزیر بننا مقصود تھا؟مصطفی نواز کھوکھر

اسلام آباد(پی پی آ ئی) پیپلزپارٹی کے سابق سینیٹرمصطفی نواز کھوکھر نے کہا ہے کہ ملک میں معیشت بدستور بدحال اور دیوالیہ ہونے کا خطرہ بڑھ گیا۔ سماجی رابطے کی ویب سائٹ ٹوئٹر پر اپنے ٹوئٹ میں مصطفی نواز کھوکھر نے کہاکہ معیشت بدستور بدحال اور دیوالیہ ہونے کا خطرہ بڑھ گیا، کہا گیا ڈالر دو سو پر آ جائے گا، مہنگائی کم اور آئی ایم ایف کو سیدھا کر دیں گے۔پیپلزپارٹی کے سابق سینیٹر نے کہاکہ الٹا آئی ایم ایف نے مزید ٹیکس لگانے تک اگلی قسط دینے سے ہی انکار کر دیا۔ان کاکہناتھا کہ دوست ممالک بھی پریشان۔ تو پھر مفتاح کو بلی چڑھا کر صرف وزیر بننا مقصود تھا؟۔