عمران کو چاہیے تھا کہ لانگ مارچ ختم کرتے ہی اسمبلیاں تحلیل کر دیتے: بیرسٹراعتزاز احسن

اسلام آباد (پی پی آئی) پاکستان پیپلز پارٹی کے سینئر رہنما بیرسٹراعتزاز احسن کا کہنا ہے کہ سابق وزیراعظم نواز شریف پاکستان واپس نہیں آئیں گے، لندن میں ایک فرد نے دستاویزی بیان دے دیا ہے اور اقدام قتل کے منصوبے کو لندن کی پولیس نہیں چھوڑتی۔ پی پی آئی کے مطابق اعتزاز احسن نے کہا کہ عمران خان کو چاہیے تھا کہ لانگ مارچ ختم کیا تب ہی اسمبلیاں تحلیل کر دیتے۔، اعتزاز احسن نے مزید کہا کہ ضیا الحق کے دور میں لمبی لمبی جیلیں کاٹیں، آصف علی زرداری سب سے ذہین کھلاڑی ہیں، آصف ز رداری نے کس طرح گیم کھیل کر پارٹیوں کو اکٹھا کیا،باجوہ صاحب اب آرام و آسائش کی زندگی گزارنے کے قابل ہیں۔ اعتزاز احسن نے مزید کہا کہ وزیر اعظم پر منحصر ہے کہ وہ الیکشن کروائے، عمران خان اپنے ورکرز فالورز کو تھکا چکے ہیں۔