پنجاب اور کے پی اسمبلیاں دسمبر میں ہی توڑیں گے:اسد عمر

اسلام آباد (پی پی آئی) پاکستان تحریک انصاف کے رہنما اسد عمر نے کہا ہے کہ پنجاب اور خیبر پختونخواکی اسمبلیاں دسمبر میں ہی توڑ دی جائیں گی۔میڈیا ذرا ئع کے مطابق اسد عمر نے کہا ہے کہ پہلے پنجاب اسمبلی توڑنی ہے یا دونوں صوبائی اسمبلیاں ساتھ اس پر ابھی فیصلہ نہیں ہوا،تاہم یہ ضرور طے ہے کہ پنجاب اور کے پی اسمبلیاں دسمبر میں ہی توڑ دی جائیں گی، دوسری جانب تحریک انصاف کے رہنما فواد چوہدری نے بھی کہا ہے کہ بغیر انتخابات کے سیاسی استحکام نہیں آئے گا، عمران خان نے جلسے میں اسمبلیاں توڑنے کا اعلان کیا اس سے پیچھے نہیں ہٹ سکتے۔