پی ڈی ایم نے آئینی طریقے سے عمران حکومت کا خاتمہ کیا:حافظ حمد اللّٰہ فیصلہ ہے کہ الیکشن بروقت ہوں، عام انتخابات اکتوبر 23ئمیں ہی ہوں گے اگرملکی معیشت مزید خراب ہو جائے تو اسمبلی کی مدت میں توسیع کی جا سکتی ہے پرویز الہٰی کی سیاست مفاہمت کی ہے، مزاحمت کی سیاست کے وہ قائل نہیں

کوئٹہ(پی پی آئی)پاکستان ڈیموکریٹک موومنٹ (پی ڈی ایم) کے ترجمان حافظ حمد اللّٰہ کا کہنا ہے کہ اگر ملک کی معیشت مزید خراب ہو جائے تو اسمبلی کی مدت میں توسیع کی جا سکتی ہے۔پی پی آئی کے مطابق حافظ حمد اللّٰہ نے کہا کہ معاشی حالات کو سامنے رکھتے ہوئے ابھی یہی فیصلہ ہے کہ الیکشن بروقت ہوں۔انہوں نے کہا کہ عام انتخابات اگلے سال اکتوبر میں ہی ہوں گے، اسمبلیوں کی مدت میں ایک سال تک کی توسیع دی جاسکتی ہے، جو غیر آئینی نہیں۔حافظ حمد اللّٰہ کا کہنا ہے کہ اسمبلیوں کی مدت میں توسیع غیرٓئینی کام نہیں، پی ڈی ایم نے آئینی طریقے سے عمران خان کی حکومت کو نکالا۔پی ڈی ایم کے ترجمان نے کہا کہ عمران خان اب مطالبہ کر رہے ہیں کہ جلدی الیکشن کرائے جائیں، وہ اسمبلیوں کو تحلیل کرنے پر بضد ہیں۔ان کا یہ بھی کہنا ہے کہ وزیرِ اعلیٰ پنجاب چوہدری پرویز الہٰی کی سیاست مفاہمت کی سیاست ہے، مزاحمت کی سیاست کے وہ قائل نہیں۔