مقبوضہ جموں و کشمیر میں نئے اراضی قوانین کیخلاف چھوٹے بڑے شہروں و قصبوں میں بھارت مخالف پوسٹر چسپاں

جموں (پی پی آئی)مقبوضہ جموں و کشمیر کے مختلف چھوٹے بڑے شہروں اور قصبوں میں بھارت مخالف پوسٹر چسپاں کیے گئے ہیں جن میں انڈین فوج کے مظالم کی مذمت کرتے ہوئے مقبوضہ جموں و کشمیر میں نئے اراضی قوانین کی مذمت کی گئی ہے جنہیں حال ہی میں بھارتی حکومت نے نافذکیاہے۔ وارثان جموں و کشمیر نامی تنظیم کی طرف سے مقبوضہ جموں و کشمیر کے مختلف چھوٹے بڑے شہروں اور قصبوں میں دیواروں اور کھمبوں پر چسپاں کیے گئے پوسٹروں میں ”کشمیر بنے گا پاکستان اور نئے اراضی قوانین قبول نہیں“ کے نعرے درج ہیں۔پوسٹروں کے ذریعے حریت رہنماؤں اور کارکنوں سمیت غیر قانونی طور پر نظر بند تمام کشمیریوں کی رہائی کا مطالبہ بھی کیا گیا ہے