چین سے تعلقات منقطع، درآمد ات پر پابندی لگائی جائے: منیش سہانی مقبوضہ جموں و کشمیر میں چین کے خلاف شیو سینا بالا صاحب ٹھاکرے کا احتجاج

جموں (پی پی آئی)مقبوضہ جموں و کشمیر میں شیو سینا بالا صاحب ٹھاکریکے کارکنان نے جموں سمیت کئی شہروں میں چین کیخلاف احتجاج کیا اور چینی ساختہ تمام اشیا کی درآمد ات پر پابندی کا مطالبہ کیا۔ شیو سینا کے کارکنوں نے چین کے فوجیوں کی ہندوستانی علاقے میں داخل ہونے کی کوشش کے خلاف نعرے بازی کی اور مودی حکومت سے مطالبہ کیا کہ وہ مختلف سرکاری پروجیکٹوں میں چینی سامان کو استعمال کرنے پر پابندی لگائے۔ اس موقع پر میڈیا سے بات کرتے ہوئے شیو سینا جموں و کشمیر کے سربراہ منیش سہانی نے کہا کہ چین سے تمام تعلقات منقطع کئے جائیں۔