بڑھتی قتل و غارتگری سے کراچی کا ہر شہری پریشان اور خوف زدہ ہے:مولاناعبدالرحمن سلفی اگر پولیس ناکام ہوچکی ہے اورشہریوں کی حفاظت کیلئے فوج کی ضرورت ہے تو فوج بلائی جائے جماعت غربا اہلحدیث نے قیام امن کیلئے جماعت اسلامی کے پرامن احتجاج کی حمایت کردی

کراچی (پی پی آئی) جماعت غربا اہلحدیث پاکستان کے امیرمولاناعبدالرحمن سلفی نے کراچی میں قیام امن کیلئے جماعت اسلامی کے پرامن احتجاج کی حمایت کر تے ہوئے ڈکیتی کی وارداتوں کے دوران بیگناہ شہریوں کی ہلاکتوں میں مسلسل اضافہ پر تشویش کا اظہار کیا ہے،پی پی آئی کے مطابق مولانا عبدالرحمن سلفی نے حالیہ وارداتوں میں کورنگی کے22سالہ اظہر اور موبائیل چھیننے کے دوران این۔ ای۔ ڈی یونیورسٹی کے نوجوان طالب علم بلال کے جاں بحق ہونے کو حخومت کی نا اہلی قرار دیااور کہا کہ اسٹریٹ کرائم کے بڑھتے واقعات میں اب ہمارے بچوں کی جانیں بھی محفوظ نہیں مولانا عبدالرحمن سلفی نے گورنر وزیراعلی آئی جی سندھ سے کہا آپ لوگوں کیذمہ داری ہے سارے کام چھوڑ کر شہریوں کی جان و مال کی حفاظت کو یقینی بنائیں ورنہ استعفیٰ دے دیں اور اگر پولیس ناکام ہوچکی ہے اورشہریوں کی حفاظت کیلئے فوج کی ضرورت ہے تو فوج بلائی جائے