آمدن سے زائد اثاثے عدالت نے وزیراعظم کے داماد ہارون یوسف کو گرفتار کرنے سے روک دیا

اسلام آباد(پی پی آ ئی)اسلام آباد ہائیکورٹ نے آمدن سے زائد اثاثوں کے کیس میں وزیراعظم کے داماد ہارون یوسف کو گرفتار کرنے سے روک دیا۔ذرائع کے مطابق اسلام آباد ہائیکورٹ میں وزیراعظم کے داماد ہارون یوسف کی آمدن سے زائد اثاثہ جات کیس میں عبوری ضمانت کی درخواست پر سماعت ہوئی،چیف جسٹس عامر فاروق اور جسٹس اعجاز اسحاق نے درخواست پر سماعت کی۔درخواست گزار کے وکیل امجد پرویز نے کہاکہ ہارون یوسف کو کیس میں اشتہاری قراردیا گیا،، لاہور کی احتساب عدالت پیشی کیلئے حفاظتی ضمانت منظور کی جائے،عدالت نے ہارون یوسف کوجمعرات کے روز اسلام آباد ہائیکورٹ میں سرنڈر کرنے کا حکم دیدیااور ہارون یوسف کو گرفتار کرنے سے روک دیا۔