گورنر پنجاب کے پاس وزیر اعلیٰ کو ڈی نوٹیفائی کرنے کا اختیار نہیں ہے: مسرت جمشید چیمہ

لاہور(پی پی آ ئی)ترجمان وزیر اعلیٰ و پنجاب حکومت مسرت جمشید کا کہنا ہے کہ گورنر پنجاب کے پاس وزیر اعلیٰ کو ڈی نوٹیفائی کرنے کا اختیار نہیں ہے،اور نہ ہی اسمبلی سیشن کے دوران اسمبلی اجلاس بلانے کا اختیار ہے۔ترجمان پنجاب حکومت مسرت جمشید چیمہ نے ٹویٹ کرتے ہوئے کہا کہ اگر کوئی غیر آئینی قدمہوا، تو گورنر پنجاب پر آئین شکنی کا مقدمہ ہو گا۔انہوں نے وفاقی وزیر داخلہ رانا ثنا اللہ پر تنقید کرتے ہوئے کہا کہ وہ اپنے بیان سے بھاگ چکے ہیں۔ جبکہ مسلم لیگ ن کے رہنما عطا تارڑ پر تنز کرتے ہوئے کہا کہ انھیں ان کی گیدڑ بھبھکیوں کا جواب مل گیا ہو گا۔مسرت جمشید چیمہ کا کہنا تھا کہ وزیر اعلیٰ پنجاب کو نہ صرف ان کے ارکان بلکہ تحریک انصاف کی مکمل حمایت حاصل ہے۔انہوں نے کہا کہ عوام کو عدم اعتماد وفاقی حکومت پر ہے۔پنجاب اسمبلی کی بجائے ملک بھر کی عوام کے اعتماد کا فیصلہ کیا جائے۔مسلم لیگ ق اور پی ٹی آئی کی جانب سے گورنر ہاؤس کے باہر احتجاج کی کال کا حوالہ دیتے ہوئے کہا کہ آج گورنر ہاؤس کے باہر عوامی اعتماد کا فیصلہ ہو جائے گا۔