ڈی ایس پی، ایس ایچ او زسمیت 6 اہلکار وں کی شہادت کے بعدحتمی کارروائی کی منظوری
جدید ٹیکنالوجی، ڈرون کیمروں اور حساس اداروں کا تعاون بھی آپریشن میں شامل ہوگا
کراچی(پی پی آئی) ڈاکوؤں کے ہاتھوں ایک ڈی ایس پی، 2 ایس ایچ او زسمیت 6 اہلکار وں کی شہادت کے بعدحکومت سندھ نے دریائے سندھ سے ملحقہ کچے کے علاقہ میں ڈاکوؤں کیخلاف بڑے آپریشن کا فیصلہ کیا ہے۔پی پی آئی کے مطابق ڈاکوؤں سے مقابلہ کرنے کے لیے جدید ٹیکنالوجی استعمال کی جائے گی ڈاکوؤں کی نقل و حرکت کی مانیٹرنگ کے لیے ڈرون کیمرے بھی خریدے جا رہے ہیں۔ اس طرح موثر حکمتِ عملی کے سا تھ آپریشن سے ڈاکوؤں کا خاتمہ ہو جائے گا۔ بتایا گیاہے کہ حساس ادارے بھی ڈاکوؤں کے خلاف آپریشن میں تعاون کر رہے ہیں۔