وفاقی کابینہ کا اجلاس آج ہوگا، 4 نکاتی ایجنڈا بھی مرتب

اسلام آباد (پی پی آئی)وزیراعظم شہبازشریف نے منگل کو وفاقی کابینہ کا اجلاس طلب کرلیا ہے، جس کا 4 نکاتی ایجنڈا بھی مرتب کرلیا گیا ہے۔وزیراعظم شہبازشریف کی زیرصدارت وفاقی کابینہ کا اجلاس منگل کو طلب کیا گیا ہے۔ جس میں ملک کی سیاسی صورتحال، امن و امان کی صورتحال پر غور ہوگا، اور وفاقی کابینہ کو قومی سلامتی کمیٹی کے فیصلوں کے حوالے سے بھی آگاہ کیا جائے گا۔پی پی آئی کے مطابق ذرائع کا کہنا ہے کہ کابینہ اجلاس کا 4 نکاتی ایجنڈا مرتب کرلیا گیا ہے۔ کل ہونے والے اجلاس میں سرمایہ کاری بورڈ ریگولیٹری قواعد پربورڈ آف انویسٹمنٹ بریفنگ ایجنڈے کا حصہ ہوگی۔