مظفر آباد/آزاد کشمیر(پی پی آئی)وزیراعظم آزاد کشمیر سردار تنویر الیاس خان نے ملک و قوم کے لیے جان کا نذرانہ دینے والے پاک فوج کے شہید کیپٹن سرور کے دن کو آزادکشمیر میں سرکاری سطح پر منانے کا فیصلہ کیا ہے۔ پاکستان کی عسکری تاریخ کا پہلا نشان حیدر حاصل کرنے والے کیپٹن سرور شہید کا 27 جولائی کو یوم شہادت آزادکشمیر میں سرکاری سطح پر منانے کا نوٹیفکیشن جاری کر دیا گیا ہے۔پی پی آئی کے مطابق 27 جولائی 1948ء کو کیپٹن محمد سرور نے آزاد کشمیر کے اوڑی سیکٹر میں دشمن کی اہم فوجی پوزیشن پر قبضہ کرتے ہوئے اپنے خون سے سرزمین وطن کی آبیاری کرتے ہوئے ازلی دشمن بھارت کی فوج پر اپنی شجاعت و بہادری کی دھاک بٹھائی تھی۔وزیراعظم آزاد کشمیر نے کیپٹن محمد سرور شہید نشان حیدر کی برسی کے دن کو سرکاری سطح پر منانے کی منظوری دیتے ہوئے اس عزم کا اظہار کیا ہے کہ مادر وطن کے دفاع کی خاطر جانوں کی قربانی پیش کرنے والے ہر افسر اور جوان کی خدمات کو خراج عقیدت پیش کیا جائے گا۔
Next Post
ملک بھر میں کورونا کے مثبت کیسز کی شرح میں کمی
Tue Jan 3 , 2023
اسلام آباد(پی پی آ ئی) ملک بھر میں گزشتہ 24 گھنٹوں کے دوران کورونا وا ئر س کے 15نئے کیسزرپورٹ ہوئے ہیں۔عالمی ادارہ صحت (این آئی ایچ) کی رپورٹ کے مطابق گزشتہ 24 گھنٹوں کے دوران ملک بھر میں کورونا وائرس کے 3 ہزار 744ٹیسٹ کیے گئے جن میں سے […]