بنگلہ دیش ورلڈ کپ سے قبل ٹورنامنٹ میں حصہ لینے کے لیے تیار

ڈھاکا:بنگلہ دیش جنوری میں آئی سی سی کی جانب سے منعقد ہونے والے ورلڈ کپ تیاری ٹورنامنٹ میں شرکت کرے گا۔ بنگلہ دیش کرکٹ بورڑکی میڈیا کمیٹی کے چیئرمین جلال یونس نے کہا کہ آئی سی سی کی جانب سے ہمیں پیش کش کی گئی ہے اور ہم نے اصولی طورپر اپنی قومی ٹیم بھیجنے کے لیے حامی بھری ہے لیکن حتمی فیصلہ بورڑ کرے گا۔ انھوں نے کہا کہ ٹیم انتظامیہ اس معاملے پر مثبت سوچ رکھتی ہے۔ بنگلہ زمبابوے کے خلاف رواں ون ڈے سیریز کے بعد اورمذکورہ ٹورنامنٹ اور ورلڈ کپ کے درمیان کوئی ور ٹورنامنٹ نہیں کھیل رہاہے۔ زمبابوے کرکٹ بورڑ نے بنگلہ دیش کو ون ڈے ٹورنامنٹ کی پیش کش کی ہے جس کا جواب ابھی تک بنگلہ دیش نے نہیں دیا۔ ورلڈ کپ کی تیاری ٹورنامنٹ میں زمبابوے سمیت ایسوسی ایٹ ٹیمیں افغانستان، آئرلینڈ ،اسکاٹ لینڈ اور متحدہ عرب امارات کی ٹیمیں حصہ لیں گی۔