رانا ثنا اللہ ہی پنجاب کے صدر، ہٹانے کا کوئی فیصلہ نہیں ہوا،احسن اقبال

لاہور(پی پی آئی)مسلم لیگ (ن) کے سیکرٹری جنرل احسن اقبال نے کہاہے کہ رانا ثنا اللہ کو پنجاب کی صدارت سے ہٹانے کا کوئی فیصلہ نہیں ہوا۔پی پی آئی کے مطابق سیکرٹری جنرل (ن)لیگ احسن اقبال نے رانا ثنا اللہ کو پنجاب کی صدارت سے ہٹانے کے حوالے سے میڈیا پر چلنے والی خبروں کر تردید کرتے ہوئے کہاہے کہ رانا ثنا اللہ ہی پنجاب کے صدر ہیں، انہیں ہٹانے کا کوئی فیصلہ نہیں ہوا، تنظیمی اجلاس میں بھی کسی کو عہدے سے ہٹانے کی بات نہیں ہوئی،مجھے کسی نے صوبائی صدر بننے کیلئے نہیں کہا۔