پاکستانی اداکارہ مہر بانو اپنے بولڈ لباس کی وجہ سے ایک بار پھر تنقید کی زد میں

کراچی (پی پی آئی)شوبز انڈسٹری کی معروف اداکارہ مہر بانو اکثر سوشل میڈیا پر متحرک نظر آتی ہیں اور اپنی تصاویر شیئر کرتی رہتی ہیں لیکن کئی بار انہیں اپنے بولڈ انداز کی وجہ سے سخت تنقید کا سامنا کرنا پڑتا ہے۔حال ہی میں اداکارہ مہر بانو کی کچھ تصاویر سوشل میڈیا پر وائرل ہوئیں جس کے بعد صارفین نے انہیں آڑے ہاتھوں لے لیا۔وائرل تصاویر میں دیکھا جاسکتا ہے کہ مہر بانو نے انتہائی براونرنگ کا نازیبا لباس زیب تن کیا ہوا ہے اور اپنے بالوں کو کھلا چھوڑا ہوا ہے۔پی پی آئی کے مطابق مہر بانو کی یہ تصاویر سوشل میڈیا پر وائرل ہوئیں تو صارفین کی جانب سے سخت تنقید دیکھنے کو ملی کسی نے ان کے لباس پر تنقید کی تو کسی نے انہیں اپنے کلچر کی یاد دلائی کہ ہمارا کلچر ایسے لباس کی اجازت ہرگز نہیں دیتا۔واضح رہے کہ مہر بانو نے ڈرامہ سیریل “میریپاس تم ہو”، “بندھن” اور کئی مشہور ڈراموں میں اپنی اداکاری کے جوہردکھائے ہیں۔