علامہ اقبال اوپن یونیورسٹی میں سمسٹر بہار کے داخلے شروع

کراچی (پی پی آئی) علامہ اقبال اوپن یونیورسٹی میں سمسٹر بہار2023ء کے داخلے شروع ہوگئے ہیں۔ میٹرک اور ایف اے پروگراموں میں داخلے کیلئے داخلہ فارم آن لائن جمع کرانے اوربذریعہ ڈاک ارسال کرنے کی سہولتیں فراہم کردی گئی ہیں۔پی پی آئی کے مطابق فارم آن لائن جمع کرانے کی صورت میں داخلہ فارم پرنٹ کرکے یونیورسٹی کو بھجوانے کی ضرورت نہیں ہوگی۔واضح رہے کہ بی ایس،ایم ایس/ایم فل اور پی ایچ ڈی پروگراموں میں داخلہ حاصل کرنے کیلئے آن لائن اپلائی لازمی ہے۔ میٹرک اور ایف اے کے داخلوں کی آخری تاریخ 21 فروری جبکہ بی ایس، ایم ایس /ایم فل اور پی ایچ ڈی پروگرامز کے فارم 15فروری تک آن لائن جمع ہوسکیں گے۔