دہشت گردوں نے قافلے کو نشانہ بنانے کے لئے ایرانی سرزمین استعمال کی: آئی ایس پی آر
کو ئٹہ(پی پی آ ئی) بلوچستان کے ضلع پنجگور کے چکاب سیکٹر میں دہشت گردوں کے حملے میں 4 جوان شہید ہوگئے۔پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع پنجگور کے چکاب سیکٹر میں دہشت گردوں کے حملے میں سیکیورٹی فورسز کے 4 اہلکار شہید ہوگئے۔آئی ایس پی آر کے مطابق دہشت گردوں نے سرحد پر گشت کرنے والے قافلے کو نشانہ بنایا، اور دہشتگردوں کی طرف سے ایرانی سرزمین استعمال کی گئی۔آئی ایس پی آر کا کہنا ہے کہ ایرانی فریق سے کہا گیا ہے کہ وہ اپنی طرف سے دہشت گردوں کا شکار کریں۔ اور ایران سے دہشت گردوں کو فوری پکڑنے کا مطالبہ کیا ہے۔