معاونین خصوصی 32، وزراء34، وزرائے مملکت7، مشیر4ہوگئے
اسلام آباد (پی پی آئی)وزیراعظم شہبازشریف نے فہد ہارون کو معاون خصوصی تعینات کر دیاہے۔فہد ہارون کی بطور معاون خصوصی تعیناتی کا نوٹیفکیشن بھی جاری کر دیا گیاہے، ان کا عہدہ وزیر مملکت کے برابر ہو گا۔پی پی آئی کے مطابق فہد ہارون کو فی الحال کوئی قلمدان نہیں دیا گیاہے۔ ان کی شمولیت کے بعد وزیراعظم کے معاونین خصوصی کی تعداد بڑھ کر 32 جبکہ کابینہ کی تعداد بڑھ کر 77 ہو گئی ہے۔ وفاقی کابینہ میں اس وقت 34 وزراء، 7 وزرائے مملکت اور 4 مشیر ہیں۔