گزشتہ 30 دنوں میں کورونا سے مرنے والوں کی تعداد میں 20 فیصد اضافہ: ڈبلیو ایچ او

واشنگٹن(پی پی آئی) عالمی ادارہ صحت (ڈبلیو ایچ او) نے کہا ہے کہ گزشتہ 30دنوں میں کو رونا وا ئرس سے مرنے والوں کی تعداد میں 20 فیصد اضافہ ہوا ہے۔جس میں ہلاک ہو نے والوں کی تعداد بڑھ کر 53000ہو گئی ہے۔ ڈبلیو ایچ او نے ایک بیان میں کہا ہے کہ گزشتہ 28دنوں میں دنیا بھر میں تقریباََ 1کروڑ 30لاکھ کیسز اور تقریباََ 53ہزار نئی اموات درج کی گئیں۔بیان کے مطابق 9سے 15جنوری کے درمیان 13ہزار سے زائد اموات اور 20لاکھ 80ہزار نئے کیسز درج ہو ئے۔15جنوری تک دنیا میں کورونا ائرس کے 66 کروڑ 20لاکھ سے زیادہ تصدیق شدہ کیسز تھے اور 60لاکھ 70ہزار سے زیادہ افراد ہلاک ہو ئے تھے۔