سہ روزہ سرتیوں سنگ کرافٹس میلہ کراچی میں 3 سے 5 فروری تک منعقد ہوگا

کراچی (پی پی آئی)سندھ رورل سپورٹ آرگنائزیشن کے زیر اہتمام 12واں سہ روزہ سرتیوں سنگ کرافٹس میلہ اوشئن مال کلفٹن میں 3 سے 5 فروری تک منعقد ہوگا۔پی پی آئی کے مطابق میلے میں سندھ بھر کی دیہی ہنرمند خواتین کے ہاتھوں سے بنی گھریلو مصنوعات، ملبوسات، اجرک، فرنیچر، ڈیکوریشن پیسز، خالص چمڑے سے بنے ہینڈ بیگ، بیڈشیٹس اور دیگرثقافتی اشیاء مناسب قیمت پر فروخت کرنے کیلئے رکھی جائیں گی۔یاد رہے کہ سرسو کے اہتمام یہ بارہویں نمائش ہوگی۔