اسلام آباد (پی پی آئی)ملک میں دو سو ارب روپے کا منی بجٹ لانے کے لیے آرڈیننس تیار کر لیا گیا۔ ذرائع وزارت خزانہ کے مطابق حکومت نے دو سو ارب روپے کا منی بجٹ لانے کے لیے آرڈیننس تیار کر لیا۔پی پی آئی کے مطابق ذرائع وزارت خزانہ کا کہنا ہے کہ آرڈیننس کے ذریعے سو ارب روپے کی فلڈ لیوی عائد کی جائے گی جبکہ سو ارب روپے کے ودہولڈنگ ٹیکس و دیگر اقدامات کیے گئے ہیں۔ذرائع کا کہنا ہے کہ آرڈیننس میں نان فائلرز پر ودہولڈنگ ٹیکس عائد کرنے کے اقدامات کیے گئے ہیں۔ذرائع وزارت خزانہ کا کہنا ہے کہ آرڈیننس کے اجراء کے بعد آئی ایم ایف وفد پاکستان کا دورہ کرے گا۔ آئی ایم ایف چاہتا ہے مشن آمد سے قبل آرڈیننس نافذ کر دیا جائے۔ذرائع کا مزید کہنا ہے کہ پیٹرولیم مصنوعات پر سیلز ٹیکس ریٹیل پرائس پر عائد کرنے کی تجویز ہے۔ پٹرولیم لیوی کی شرح میں اضافے کا فیصلہ وزیر اعظم کی مشاورت سے کیا جائے گا۔
Next Post
پاکستان تحریک انصاف کوعمران کی سکیورٹی کم کرنے کاخدشہ
Wed Jan 25 , 2023
لاہور (پی پی آئی)پاکستان تحریک انصاف کوعمران کی سکیورٹی کم کرنے کاخدشہ ہے۔پولیس کا کہنا ہے کہ عمران خان کو بطور سابق وزیراعظم سکیورٹی دی جائے گی، 500 سے زائد اہلکار تین شفٹ میں سکیورٹی پر مامور ہوں گے۔