پشتون کبھی دہشتگرد اور فرقہ پرست نہیں رہے،ظالم اور مظلوم کی لڑائی میں مظلوم کا ساتھ دینگے،محمود اچکزئی

پشین (پی پی آئی) پشتونخواملی عوامی پارٹی کے چیئرمین اورپاکستان ڈیموکریٹک موومنٹ کے مرکزی نائب صدر محمود خان اچکزئی نے کہا ہے کہ غیور عوام کی پارٹی میں بڑ ی تعداد میں شمولیت پر پارٹی کارکنوں نے غرور اور تکبر سے گریز کرتے ہوئے اللہ کا شکر ادا کرنا ہوگا ،پشتون افغان کبھی دہشتگرد اور فرقہ پرست نہیں رہے،ظالم اور مظلوم کی لڑائی میں ہر سطح پر اور ہر قسم کے حالات میں مظلوم کا ساتھ دینگے ، اسلام پشتون افغان ملت کی زندگی کے ہر شعبے میں موجود ہے،اس مشترکہ صوبے میں پشتون بلوچ کی ہر شعبہ زندگی میں برابری تسلیم کرنا دونوں اقوام کی روشن مستقبل کا ذریعہ بن سکتا ہے،ان خیالات کا اظہار انہوں نے اجتماع سے خطاب کرتے ہوئے کیا۔