کورنگی کراچی میں بسوں کی ریس نے ایک معصوم بچے سمیت 2 افراد کی جان لے لی

کراچی (پی پی آئی)کراچی کے کورنگی صنعتی علاقہ میں بسوں کی ریس نے ایک معصوم بچے سمیت 2 افراد کی جان لے لی۔پی پی آئی کے مطابق مسافر بس کورنگی کے گودام چورنگی کے قریب الٹی، جس کی وجہ سے ایک سالہ حرم علی اور 45 سالہ دیدار حسین جاں بحق ہوگئے، حادثے میں خاتون سمیت چودہ افراد زخمی ہوئے، جنہیں جناح اسپتال منتقل کر دیا گیا ہے۔پولیس کے مطابق حادثہ تیز رفتاری اور غفلت کے باعث پیش آیا، دوسری جانب عینی شاہدین کا کہنا ہے کہ دونوں بس آپس میں ریس لگا رہی تھی تاہم ایک بس ڈرائیور کے کنٹرول نے باہر ہوگیا جس کی وجہ سے یہ حادثہ پیش آیا۔