انٹربینک میں ڈالر کی قیمت میں کمی کے بعد روپیہ مستحکم ہونے لگا

کراچی (پی پی آئی) انٹربینک مارکیٹ میں ڈالر پاکستانی روپے کے مقابلے 2 روپے 83 پیسے گر گیا۔ سٹاک مارکیٹ میں 290 پوائنٹس کی تیزی دیکھی گئی۔ کاروباری ہفتے کے تیسرے روز امریکی ڈالر پھر گراوٹ کا شکار ہے، انٹر بینک مارکیٹ میں لین دین شروع ہوا تو ڈالر کی قدر میں 2 روپے 83 پیسے کی کمی دیکھی گئی اور ڈالر 270 روپے 50 پیسے پر ٹریڈ ہوا۔دوسری جانب سٹاک مارکیٹ میں 290 پوائنٹس کی تیزی دیکھی گئی، 100 انڈیکس 42014 پوائنٹس کی سطح پر آ گیا۔