وادی میں جمعہ سے پھر بگڑے گا موسم، موسلا دھار بارشوں اور برفباری کا امکان

سری نگر (پی پی آئی)مقبوضہ جموں و کشمیرکے موسم میں تبدیلی کا عمل جاری ہے۔کئی دنوں میں موسم صاف رہنے سے ریاست کے تقریباً سبھی علاقوں کے درجہ حرارت میں اضافہ درج ہو ا۔ زیادہ سے زیادہ درجہ حرارت میں معمول سے 4-3 ڈگری کا اضافہ دیکھ گیا۔گوکہ رات کو ابھی ٹھنڈک ہے لیکن موسمیاتی مرکز سرینگر نے10 فروری کو جموں کشمیر کے کچھ حصوں میں موسلا دھار بارشوں اور برفباری کا انتباہ جاری کیا ہے نیز 11 فروری کو بھی موسم خراب ہوگا۔ اس کا جموں،سرینگر قومی شاہراہ سمیت دیگر رابطہ سڑکوں پر اثر پڑسکتا ہے۔