صدر عارف علوی کابیٹا مسلح افواج کیخلاف سوشل میڈیا مہم میں ملوث ہے: شرجیل میمن

کراچی(پی پی آ ئی)وزیر اطلاعات سندھ شرجیل میمن نے کہاہے کہ صدر عارف علوی کو ایوان صدر کے عہدے اور کردار کو سمجھنا چاہئے،صدر کو ٹائیگر فورس کے ممبر کی طرح کام نہیں کرنا چاہئے۔سماجی رابطے کی ویب سائٹ ٹوئٹر پر اپنے پیغام میں شرجیل انعام میمن نے کہاکہ صدر افواج کے سپریم کمانڈر بھی ہیں، بدقسمتی سے صدر کا بیٹا مسلح افواج کے خلاف سوشل میڈیا مہم میں ملوث ہے، ان کو شرم آنی چاہئے۔