نامکمل کورم سے 170 ارب کا بجٹ منظور کروانا جمہوریت کی توہین ہے
راولپنڈی(پی پی آ ئی) سربراہ عوامی مسلم لیگ اور سابق وزیر داخلہ شیخ رشید نے کہا ہے کہ صدر کو چاہیے کہ شہبازشریف کواعتماد کا ووٹ لینے کا کہے،نامکمل کورم سے 170 ارب روپے کا ضمنی مالیاتی بجٹ منظور کروانا جمہوریت کی توہین ہے۔سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیخ رشید نے کہا کہ صدر کو چاہیے کہ شہبازشریف کواعتماد کا ووٹ لینے کا کہے کیونکہ کل170ارب کامنی بجٹ 60 لوگوں نے پاس کیاہے،اورایوان کی کاروائی کیلیے86ارکان کی ضرورت ہوتی ہے۔کئی سرکاری اراکین بھی حکومت کیساتھ نہیں اور خود حکومت کے اتحاد میں پھوٹ پڑ چکی ہے۔انہوں نے کہا کہ حکومت کی تاش بکھرناشروع ہوگئی ہے اور آفتاب سلطان کااستعفی اس کی پہلی کڑی ہے،ملک کا آئینی بحران شدیدسے شدید ترہوتاجارہا ہے، آئی ایم ایف کی صدرنے کہا ہے غریبوں پرنہیں امیروں پرٹیکس لگائیں۔ پاکستان میں 50کروڑ سے کم کرپشن کی کھلی چھٹی ہے،قوم سپریم کورٹ کی طرف دیکھ رہی ہے نیب ترامیم پرتاریخی فیصلہ آسکتاہے۔