بجلی کی قیمت میں 3 روپے 39 پیسے فی یونٹ اضافے کی درخواست
اسلام آ باد(پی پی آ ئی)وفاقی حکومت نے نیپرا سے بجلی کی قیمت میں 3 روپے 39 پیسے فی یونٹ اضافے کی درخواست دائر کردی۔پاور ہولڈنگ کمپنی کے 800 ارب روپے کے قرض پر مارک اپ (سود) کی ادائیگی کے باعث بجلی کے ٹیرف میں اضافے کا امکان ہے۔
اس سلسلے میں وفاقی حکومت نے بجلی کی فی یونٹ قیمت میں تین روپے انتالیس پیسے اضافے کی درخواست نیپرا میں دائر کردی۔نیپرا وفاقی حکومت کی درخواست پر 2 مارچ کو سماعت کرے گی۔اس کے علاوہ سی سی پی اے نے ماہانہ فیول ایڈجسٹمنٹ کی مد میں بجلی کے دام میں ایک روپے 17 پیسے فی یونٹ اضافے کی درخواست بھی کر رکھی ہے۔