جے یو آئی کی جانب سے سینیٹ اور اسمبلی میں الگ الگ قرارداد جمع کروادیں
اسلام آ باد(پی پی آ ئی)جمعیت علمائے اسلام نے صدر مملکت سے صدر کا عہدہ چھوڑ نے کا مطا لبہ کر دیا۔ تفصیلات کے مطابق صدرمملکت کی جانب سے صوبائی اسمبلیوں کے انتخابات 9 اپریل کو منعقد کروانے کے احکامات دینے کا معاملہ پر جے یو آئی کی جانب سے سینیٹ اور اسمبلی میں الگ الگ قرارداد جمع کروادیں۔قرار داد میں صدر کی جانب سے دو نوں صوبائی اسمبلیوں میں انتخابات کی تاریخ کو مسترد کرتے ہو ئے بتا یا گیا ہے کہ صدر کو ایسا فیصلہ کرنے کا اختیار حاصل نہیں۔قرارداد کا متن میں کہا گیا ہے صدر کا اعلان آئین کی خلاف ورزی ہے، یہ ایوان صدر، مملکت پر زور دیتا یے کہ وہ اپنا اعلان واپس لیں۔قراداد میں آئین کی خلاف ورزی پر صدرمملکت سے اپنا عہدہ چھوڑنے کا بھی مطالبہ کیا۔ قرارر داد سینیٹ میں جے یوآئی کے سینیٹر کامران مرتضی نے جمع کروائی جبکہ قومی اسمبلی میں قرارداد جے یوآئی کی رکن اسمبلی عالیہ کامران نے جمع کروائی۔