لاہور (پی پی آئی) پی ٹی آئی ر فواد چوہدری نے کہا ہے کہ الیکشن کیلئے نوٹ لکھنے پر سپریم کورٹ کے 2معزز ججوں کیخلاف حکومت کی سرپرستی میں مہم شروع کر دی گئی، ملک کے ہر ادارے کو تباہ کر دیاگیا۔سماجی رابطے کی ویب سائٹ ٹویٹر پراپنے بیان میں سابق وفاقی وزیراطلاعات فواد چوہدری نے کہا ہے کہ سپریم کورٹ کے دو جج صاحبان نے انتخابات کیلئے چیف جسٹس پاکستان کو نوٹ لکھا،دونوں جج صاحبان کے خلاف حکومتی سرکردگی میں مہم شروع کی گئی، کل بارکونسل کے ٹاؤٹ وکیل وزیر اعظم کوملے اور انتہائی بے شرمی سے حکومت کی ججوں کے خلاف کمپین کی قیمت طے کی گئی، اس ملک کے ہراداریکو تباہ کردیا گیا ہے۔انہوں نے کہا کہ سپریم کورٹ کے جج کے خلاف سازش اور وزیراعظم ہاوس میں اس تصویر نے بطور وکیل میرا سر شرم سے جھکا دیا، میرے پروفیشن کی سب سے بڑی منتخب باڈی کا ایسے اپنی عدلیہ کے خلاف سازش کا حصہ بن کر معزز جج کے خلاف ریفرنس دائر کرنا انتہائی افسوسناک اور میرے پروفیشن کی تاریخ کا سیاہ باب ہے۔
Next Post
سانحہ بارکھان نے ہر شخص کا دل چیر ڈالا، سرشرم سے جھکے ہو ئے ہیں: سعد رفیق
Wed Feb 22 , 2023
اسلام آباد (پی پی آئی)مسلم لیگ (ن) کے سینئر رہنما اور وفاقی وزیر ریلوے خواجہ سعد رفیق نے کہا ہے کہ سانحہ بارکھان نے ہر شخص کا دل چیر ڈالا ہے، سرشرم سے جھکے ہو ئے ہیں۔سماجی رابطے کی ویب سائٹ ٹویٹر پر اپنے پیغام میں لیگی رہنما خواجہ سعد […]