کھیتران کی گرفتاری، مغویوں کی بازیابی انصاف کے تقاضے پورے نہیں کرتی: سعد رفیق

اسلام آ باد(پی پی آ ئی)پاکستان مسلم لیگ (ن) کے سینئر رہنما اور وفاقی وزیرریلوے خواجہ سعد رفیق نے کہا ہے کہ کھیتران کی گرفتاری اور مغویوں کی بازیابی انصاف کے تقاضے پورے نہیں کرتی۔سماجی رابطے کی ویب سائٹ ٹوئٹر پر اپنے پیغام میں سعد رفیق نے لکھا کہ طاقتور پیشہ ور قاتل سردار کے خلاف مظلوم عورت کی آہ و بکا پر ریاست کو بروقت حرکت میں آنا چاہیے تھا۔لیگی رہنما کا کہنا تھا کہ مجرم اور اس کے سہولت کار روزانہ خصوصی عدالتی سماعت اور فوری فیصلہ کے حقدار ہیں، مظلوم کی پکار سنی جائے۔خیال رہے کہ گزشہ روز کوئٹہ کی عدالت نے صوبائی وزیر عبدالرحمان کھیتران کو 10 روزہ جسمانی ریمانڈ پر کرائم برانچ کے حوالے کر دیا۔