قابض بھارتی فوجیوں نے ضلع پلوامہ میں ایک اور کشمیری نوجوان کو شہید کر دیا
سری نگر(پی پی آ ئی)بھارت کے زیر قبضہ جمو ں و کشمیرمیں قا بض بھارتی فوجیوں نے اپنی ریاستی دہشت گردی کی تازہ کارروائی کے دوران ضلع پلوامہ میں ایک اور کشمیری نوجوان کو شہید کر دیا ہے۔کشمیر میڈیا کے مطابق نوجوان کو بھارتی فوجیوں نے ضلع کے علاقے اونتی پورہ میں محاصرے اور تلاشی کی کارروائی کے دوران شہید کیا۔ آخری اطلاعات ملنے تک علاقے میں فوجی کارروائی جاری تھی۔