پولیس کا پی ٹی آئی رہنماؤں کیخلاف مقدمے کا اعلان
اسلام آباد (پی پی آئی) اسلام آباد پولیس نے جوڈیشل کمپلیکس کا دروازہ توڑ نے پر پر تحریک انصاف کے رہنماؤں کیخلاف مقدمہ درج کرنے کا اعلان کر دیا۔ترجمان اسلام آباد پولیس کی جانب سے کہا گیا ہے کہ مظاہرین کی قیادت کرنے والے پی ٹی آئی رہنماؤں کے خلاف کارروائی کی جائے گی۔ جوڈیشل کمپلیکس میں داخل ہونے والوں کیخلاف مقدمہ درج کر رہے ہیں،سرکاری املاک کو نقصان پہنچانے والوں کو کارروائی کا سامنا کرنا ہوگا۔اسلام آ باد پولیس نے مزید کہا ہے کہ سی سی ٹی وی کیمروں سے شناخت عمل میں لائی جا رہی ہے. ہائیکورٹ اور دیگر عدالتوں میں حاضری کے دوران اگر یہ عمل دہرایا گیا تو طاقت کا استعمال کیا جا سکتا ہے۔