افتخار حسین چوہدری ہانگ کانگ اور فلپائن کیلئے مشیر برائے اوورسیز تعینات

اسلام آباد(پی پی آئی)وفاقی ٹیکس محتسب نے معروف کاروباری شخصیت افتخار حسین چوہدری کو ہانگ کانگ اور فلپائن کیلئے اعزازی بنیادوں پرمشیر برائے اوورسیز تعینات کر دیا۔ بیرون ملک مقیم پاکستانیوں کے اپنے وطن میں ٹیکس سے متعلق مسائل اور ان کے حل کیلئے وہ اپنا کردار ادا کریں گے۔پی پی آئی کے مطابق افتخار چوہدری کو ہانگ کانگ اور فلپائن میں وفاقی ٹیکس محتسب بارے آگاہی کی ذمہ داری بھی سونپی گئی ہے،وہ اوورسیز پاکستانیوں اور وفاقی ٹیکس محتسب کے مابین مضبوط ورکنگ ریلیشن قائم کرنے کی بھی ذمہ داری ادا کریں گے۔