امپورٹڈ حکومت کے غیر جمہوری اور غیر قانونی ہتھکنڈوں کے سامنے کبھی نہیں جھکیں گے
مانسرہ(پی پی آئی)پاکستان تحریک انصاف کے سینیٹر اعجاز چوہدری نے کہاہے کہ پی ٹی آئی قانون کی پاسداری کرنے والی سیاسی جماعت ہے، ہماری پارٹی نے کے پی اور پنجاب اسمبلیوں کے انتخابات کرانے، اپنے رہنماؤں اور کارکنوں کو سیاسی انتقام کا نشانہ بنانے سے بچانے کے لیے حکومت پر دباؤ ڈالنے کے لیے پرامن طریقہ اپنایا۔پی پی آئی کے مطابق ان کا کہنا تھا کہ ہم پنجاب اور کے پی میں انتخابات میں تاخیر کے لیے امپورٹڈ حکومت کے غیر جمہوری اور غیر قانونی ہتھکنڈوں کے سامنے کبھی نہیں جھکیں گے۔مشتاق غنی نے کہا کہ ہزارہ ڈویژن میں پارٹی کے رہنما اور کارکنان عدالتی گرفتاری کے لیے تیار ہیں، انہوں نے ملک میں معاشی اور سیاسی عدم استحکام اور اس کی وجہ سے ریکارڈ مہنگائی پر وزیر اعظم شہباز شریف کی زیر قیادت وفاقی حکومت کو کڑی تنقید کا نشانہ بنایا۔