از خود نوٹس جلدی میں لیا گیا ہے، ، سپیکرز کی درخواستیں ہائی کورٹ میں زیر سماعت ہیں: اختلافی نوٹ

اسلا م آ باد(پی پی آ ئی) جسٹس منصور علی شاہ اور جسٹس جمال مندوخیل نے اپنے اختلافی نوٹ میں کہا ہے کہ اس معاملے میں از خود نوٹس نہیں بنتا کیونکہ دونوں اسمبلیوں کے سپیکرز کی جانب سے درخواستیں متعلقہ ہائی کورٹس میں زیر سماعت تھیں۔ انھوں نے کہا کہ از ازخود نوٹس جلد بازی میں لیا گیا ہے اور اس معاملے میں وہی ریلیف کے بارے میں بات کی گئی ہے جو کہ سپیکرز کی درخواستوں میں مانگا گیا ہے۔انہوں نے کہا کہ ہائی کورٹس میں زیر التوا معاملات پر از خود نوٹس مناسب نہیں ہے۔ واضح رہے کہ اپنے اختلافی نوٹ میں ججز نے جسٹس یحیی آفریدی اور جسٹس اطہر من اللہ کے اختلافی نوٹ سے اتفاق کیا ہے۔