سپریم کورٹ کافیصلہ سیاسی معاشی استحکام کی طرف پہلاقدم ہے: شیخ رشید

راولپنڈی(پی پی آ ئی) عوامی مسلم لیگ کے سربراہ و سابق وفاقی وزیر داخلہ شیخ رشید احمد نے کہا ہے کہ سپریم کورٹ کافیصلہ سیاسی معاشی استحکام کی طرف پہلاقدم ہے۔ سماجی را بطے کی ویب سا ئٹ ٹو ئٹر پرسابق وزیر داخلہ شیخ رشید نے سپریم کورٹ از خود نوٹس کیس کے فیصلے پر اظہار خیال کرتے ہو ئے کہا کہ سپریم کورٹ کافیصلہ سیاسی معاشی استحکام کی طرف پہلاقدم ہے،یہ جمہوریت کی جیت اورشب خون مارنے والوں کی شکست فاش ہے،جو بھی سپریم کورٹ کے فیصلے میں رکاوٹ ڈالے گاخس وخاشاک کی طرح بہہ جائیگا۔ انہوں نے کہا کہ نگران حکومت اپنابسترباندھ لے،کے پی کے اورپنجاب میں عمران خان کی حکومت بنے گی،کرپٹ سازشی ٹولہ زمین بوس ہوجائیگا۔