گوادر میں چینی کمپنی نے فش پروسیسنگ فیکٹری کی تعمیر شروع کر دی

گوادر/کراچی (پی پی آئی)چینی کمپنی نے گوادر فری زون ساؤتھ (فیز I)میں فش پروسیسنگ فیکٹری کی تعمیر شروع کردی ہے۔ہیزنٹیئن پیلیجک فشری اوورسیز بیس کمپنی نے چین سے اپنے صنعتی یونٹس درآمد کئے ہیں اور اب کولڈ سٹوریج اور مچھلی کی صنعت کیلئے ضروری دیگر سہولیات کی تعمیر کا کام جاری ہے۔ پی پی آئی کے مطابق کمپنی نے گوادر فری زون (فیزI)میں 5,911 مربع میٹر پر ایک گودام بنایا ہے جس میں 2,000 مربع میٹر پر پھیلی معیاری ورکشاپ بھی شامل ہے جسے سبلیسر کے ڈیزائن کے مطابق تعمیر کیا جائیگا۔یہ گوادر فری زون کی پہلی ماہی گیری فیکٹری ہوگی۔ کمپنی نے پاکستان میں کام کرنے کیلئے تمام قانونی دستاویزات پہلے ہی مکمل کر لی ہیں۔ یہ صنعت مقامی افرادی قوت کومہارت دیگی، ملازمت اور کاروباری مواقع دونوں کے لحاظ سے مقامی آبادی کو فائدہ پہنچے گا۔